ՀՀ Կենտրոնական բանկի Խորհրդի փետրվարի 20-ի նիստում Յունիբանկին թույլտվություն է տրամադրվել «ՅՈՒԲԻՓԵՅ» (UBPAY) դրամական փոխանցումների հայաստանյան միասնական վճարահաշվարկային համակարգի ստեղծման և գործունեության համար:  

Համակարգի նպատակը ռեզիդենտ և ոչ ռեզիդենտ ֆիզիկական անձանց համար դրամական փոխանցումների իրականացումն է: UBPAY փոխանցումները հնարավոր կլինի ստանալ ինչպես կանխիկ, այնպես էլ՝ բանկային հաշվին կամ քարտին փոխանցելու միջոցով:

Հաճախորդների հարմարավետ սպասարկումն ապահովելու համար կգործարկվի նաև ժամանակակից մոբայլ հավելված, որը նոր տեխնոլոգիաների և առաջադեմ թվային լուծումների  շնորհիվ կառանձնանա իր  լայն ֆունկցիոնալությամբ:  

UBPAY համակարգի օպերատոր հանդիսանում է Յունիբանկը:

Յունիբանկը վերահսկվում է ՀՀ Կենտրոնական բանկի կողմից:
Տեղեկատու կենտրոն՝ +374 10 59 55 55